清潔海岸兵團
(明年5月至11月份)

返回

DEC 4, 2021
……………………….

位於大嶼山南部嘅水口灣係一個生物多樣性豐富嘅沿岸濕地。有保育團體曾經做過生態普查🔎，發現呢度有不同類型嘅生境，適合各種生物棲息。當中包括招潮蟹、侯鳥、受威脅嘅馬蹄蟹、仲有其他海岸動物等等。

不過，近年越嚟越多人去郊外(包括海岸環境🏖)進行各種活動 ，為海岸地區嘅生態帶來沉重的壓力🥺，亦令到垃圾慢慢喺海岸不斷堆積，咁樣唔單止破壞自然景觀，仲會直接對整個海岸生態造成影響。

因此，本會將於明年5月至11月繼續舉行🌿生態導賞暨海岸清潔活動🌿，活動名為「清潔海岸兵團」。參加者將接受由一班已培訓嘅「清潔海岸大使」帶領前往大嶼山水口灣。本會職員將會從旁協助，一同到訪大嶼山水口灣進行約三小時嘅戶外考察以及淨灘活動 。

💁‍♂️活動對象: 幼稚園高班至小學三年級、非牟利機構/團體 (親子團)
👨‍👩‍👧‍👧活動名額: 每團20人 (活動已包括團體意外保險)
📝活動報名 丨 shorturl.at/yHMU8 (以學校為報名單位先填寫一份問卷調查)
活動宣傳小冊子丨 shorturl.at/aoyO0

✅報名以先到先得形式處理，請於活動日前至少四星期完成報名以便處理旅遊巴安排。有興趣之團體亦可另議導賞團舉辦日期，惟活動日子需考慮潮水高度。

📝如有任何查詢，歡迎於辦公時段內 (0930-1730) 電郵📧 Money.chin@oiwa.org.hk 或致電☎️3141 7222與錢小姐或梁先生聯絡。

SHARE
……………………….