九月環保教育活動

SEP 3, 2022
……………………….

唔知各位諗好咗中秋節活動未呢~呢排疫情依然都係咁嚴峻。如果你地想搵啲有意義又安全嘅活動，不如嚟睇下我地綠在離島九月份嘅活動啦！

今個月！我地將會有九場嘅生態導賞團！！「擁樹南山」、「石壁風雲」、「鹿在地塘村」唔知邊團生態導賞團吸引到大家想參加呢~如果有興趣就快啲嚟報名啦~名額有限，報名從速！

至於今個月嘅嘉年華有兩個~一個係「我行我塑」，一個係「花好月圓」。

「我行我塑」會同大家講下塑膠對海洋會造成乜嘢影響，又會教大家應該點樣避免產生塑料廢物。重點！！！「我行我塑」會教大家整幾個工作坊，有創意禮盒、皺紋紙花球、塑膠匙扣、零錢包。

「花好月圓」就係教大家點樣喺慶祝中秋嘅時候，避免產生不可回收嘅物品。我地會教大家點樣用環保物料嚟整「中秋蠟燭」、「中秋燈籠」、「月餅收納盒」、「月球漫步」。想知詳情就快啲嚟報名啦~

如有疑問或欲報名，歡迎致電2499 2308與本站職員聯絡。

SHARE
……………………….