環保基金「清出嶼南」 社區清潔海岸教育計劃
🎥9月份之活動回顧
OCT 20, 2022
……………………….
或者就等我哋向大家簡單做個嘅9月份活動回顧啦💗————
🌟清潔海岸兵團
秋風起，暑熱散，正正係淨灘嘅好時機。
我哋嘅「清潔海岸兵團」喺9月份，繼續由一班熱心嘅「清潔海岸大使」帶領住一眾嘅小團友兩度到訪水口灣，喺認識濕地生態、物種嘅同時，攜手合力清潔泥灘、維護水口灣嘅潔淨💪💪
期間我哋更加有幸見到牛媽呼喚牛群嘅情景，實在難得呀～
🌟進階工作坊
透過AR繪本同虛擬實境嘅遊戲，小朋友唔單止認識到一啲常見嘅濕地物種，仲可以趁機學埋分類回收♻。最終更加可以學以致用，幫助繪本入面嘅主角，成功拯救咗水口灣嘅生態同動物～💪💪於是一隻隻由小朋友所製作出嚟嘅蜻蜓、招潮蟹🦀、水牛🐃、青蛙…都飛出、跳出或行出小教室，跟住咗佢哋番屋企～
🌟外展工作坊
0到100分，你有幾多信心可以扭轉垃圾灘嘅運命?
課託組嘅小朋友就話俾你聽—係100分呀！
喺連續2日嘅外展工作坊入面，同學仔們都非常之厲害。佢哋成功喺「漁網遊戲」嘅角色扮演中勝出，甚至過五關斬六將咁喺5乘5米嘅真人大富翁遊戲入面嬴出！最終不單止將垃圾灘變為美麗島，更加拯救咗滿肚海洋垃圾嘅海龜仔呀！💯💯
🌟清潔海岸四格漫畫親子創作比賽
維期約5個月嘅「清潔海岸四格漫畫親子創作比賽」有賴大家嘅支持同參與，已經圓滿結束。有關得獎名單，亦喺9月頭於Facebook上公佈。
最後，再次衷心感謝咁多位參與活動嘅👨👧👦小朋友、🙎♀️家長、🏫老師同義工～全靠你哋支持同參與，活動先可以咁順利完成～謝謝你們💗💗💗～
免責聲明: 在此刊物上/任何的項目活動內表達的任何意見、研究成果、結論或 建議，並不一定反映香港特別行政區政府、環境及自然保育基金委員會及環境運動委員會的觀點。最後，再次衷心感謝咁多位參與活動嘅👨👧👦小朋友、🙎♀️家長、🏫老師同義工～全靠你哋支持同參與，活動先可以咁順利完成～謝謝你們💗💗💗～
#學校活動 #環保基金 #清潔海岸 #濕地 #海岸清潔 #生物多樣性 #外展活動 #環境教育 #故事會 #海岸濕地 #生態 #工作坊 #淨灘
SHARE
……………………….
